Asosashon Liga Pariba Curacao: Welcome

Kontribuyendo na un miho hende!

Bon bini na e wepsite di Asosashon Liga Pariba Curacao(Liga Pariba). Akinan bo por hanja tur informashon over di nos Liga i e organisashonnan afiliá na esaki.

 Liga Pariba ta e asosashon di baseball infantil pa muchanan di 9 te ku 16 anja. Muchanan di tur habilidat, sexo, kredo i kolo ta bon bini serka un di nos ekiponan pa asina nos por yuda desaroya e muchanan pa nan bira un miho hende. E intenshon ta pa siña e muchanan abilidatnan ku nan lo por keda uza den nan bida. 

Liga Pariba tin ekiponan ku ta partisipá na sinku (5) divishon di e organisashon mundial di Little League na Williamsport. Pa mas informashon di e divishonnan klik aki.  

Kondishonnan

Pa e mucha por forma parti di un ekipo di Pariba, e mayor mester di un akta di nasementu di Kranshi i tambe tres komprobante di e adrès ku ta mustra ku e mucha i su mayornan ta biba den e aria di Pariba. Si esaki no ta e kaso e mucha por trese tambe un komprobante di skol, si su skol ta keda den aria di Pariba. Esaki pa determiná for di un prinsipio si e mucha por hunga den e liga òf si ku e ta kai den un di e otro liganan. Sin e dokumentonan aki e mucha no por partisipá den kampeonato di Liga Pariba.  



Sunday, February 23
40 Aniversario Little League Maria “Jaja” Klaber



Dia 23 di Febrüari 2014 Yaya a kumpli 40 anja sirbiendo e hubentut beisbolero di Kòrsou. Ami a kuminsá mi karera ku 11 aña den Little League den e ekipo di SUBT serka Sr. Ismael “Isma” Schmidt d.f.m. kaminda ku Jaja tabatin un yu den e ekipo di Little, Saddy Klaber, i un yu komo Manager di Senior, Chino Klaber.

 For di e tempu ei Jaja tabata aktivamente bezig ku Little League i e la keda hou vol te ku e dia di awe. Jaja sigur a eksperensia tur sorto di momento den Little League na Kòrsou i den kampionatonan Regional i Mundial i a maak mee hopi kos.

Awe nos di Liga Pariba por ta orguyoso di tin Jaja komo un miembro honorario di nos Direktiva i ta deseá Jaja, ku ketu bai ta fungi komo skorer na weganan di Liga, hopi aña mas den nos kompania i den e famia di Little League.

 Dennis Dambruck

Presidente Liga Pariba